Þarna er talent

Ég legg til að Snati verði skipaður til að leiða næstu sendinefnd til Bretlands og Hollands til að samja um ICESAVE. Það myndi breyta samningsstöðu okkar.

Jafn greindir og 2 ára börn

Þöngulhausar

Þessi vesæli krakkaskríll sem til samans myndar Saving Iceland skrípagengið telur sig vera að vinna þjóðinni eða landinu gagn með þessu. Því er öfugt farið.

Þegar fólk hegðar sér með þessum hætti getur friðelskandi heiðvirt fólk ekki tekið sér stöðu með þeim né þeirra málstað. Ég er stundum sammála sumu af því sem þau hafa fram að færa en það er ekki nokkur von til að ég muni ljá þeirra baráttu lið á nokkur hátt þegar þau gera svona vitleysu. Þvert á móti.

Málningu slett á hús Hjörleifs

Hörku barátta

Landbúnaðar og sjávarútvegsráðherra sagði í morgunúrvarpinu í morgun "Vinstri Græn munu standa alveg einörð í að berjast gegn aðild að Evrópusambandinu". Þetta eru bardagamenn hinir mestu. Svo einarðlega berjast þau að meirihluti þingflokks VG samþykkti að sækja um aðild.

Með umsóknaraðild eru:

• Árni Þór Sigurðsson,
• Álfheiður Ingadóttir
• Svandís Svavarsdóttir
• Lilja Mósesdóttir
• Ögmundur Jónasson
• Steingrímur J. Sigfússon
• Bjarkey Gunnarsdóttir
• Katrín Jakobsdóttir

Andvíg aðild:

• Atli Gíslason
• Þuríður Backman
• Lilja Rafney Magnúsdóttir
• Ásmundur Einar Daðason
• Jón Bjarnason

 Þú segist ekki berjast gegn aðild í einu orðinu og sækist eftir aðild í hinu. Það að fela sig bakvið að þetta útkljái málið bara í eitt skipti fyrir öll er bara bull. Nú mun liggja fyrir að Norðmenn sem eru búnir að hafna aðild í tvígang þurfa að gera það einn ganginn enn.

Þegar við höfnum aðild, eftir eitt og hálft til tvö ár og óskaplegan tilkostnað, mun það bara þýða að þeir sem ekki sætta sig við þá niðurstöðu munu bera fyrir sig alls kyns fullyrðingar að ekki hafi verið farið rétt að og munu hefja sama sönginn á ný. 

Íslandssagan - stiklað á stóru.

Ólíka tíma ég tengi

taldi að með þessi fengi

yfirsýn bogna

sanna eða logna

tugaldir skilja þá Haralda drengi.

 

Söguna lítum við svona

sveið okkur dýpst þessi kona

Bjart var í fyrstu

í byggðunum nyrstu.

Síðan var bara að bíða og vona.

 

Engan gat áframhald grunað

aldanna rýran við munað.

Svo illa beisið,

Sjálfstæðisleysið

að ESB valdinu getum við unað.

 

Arnarson bjáninn hann Ingó

sem ætlaði í víkinga bingó.

Til Íslands sig dreif

og endaði á sveif

með Bruss-elskum krötum í lofgjörðar lingó.

 

Það eina sem Ingólfur vildi,

var eflaust að há enga hildi,

og Harald að flýja

til Haraldar nýja.

Afleiðing þess bara alls enginn skildi.

 

Lausakarl norski er laginn

að láta ekki koma á daginn

hve risið er lágt

raunalegt, bágt

að leita til Noregs ef taka þarf slaginn.

 

Halli skal vextina hækka

og helfarar lántökur stækka.

Augunum gjóum

til útlanda og róum.

Fólki nú tekið er aftur að fækka.

 

Atvinnuleysi nær algert.

Ennbetur getum þó að hert.

Sundrungin verður

ef samningur gerður

og ESB valdið oss blasir við allsbert.

 

Fáeina dorgum nú fiska

og flest okkar teljum til miska

ef ESB hrekur

af miðum og tekur

af okkur völd til að mæla og giska.

 

Smjör okkar kemur úr kúnum

sem kúra á Íslenskum túnum

þær lífrænu skíta,

lúta og bíta

svo láta sig hafa að hleyp'aftur brúnum.

 

Lömbin um heiðarnar líða

ljúf eftir haustinu bíða.

Þau ætlast í súpu,

með Íslenskri rjúpu.

Lystugri matur ei býðst  mönnum víða.

 

Bændur á Fróni sem búa,

best kunnað að landi að hlúa.

ekki neinn getur,

allt þetta betur.

Brussel nú ilmar sem afurðir kúa.

 

Ef maður segir sig ekki

ESB járn vilja hlekki.

stattu við orðin,

spilin á borðin.

Síðar svo ei muni kastast í kekki.

 

Reynist nú fólk vera ratar

Raunar þau flest eru kratar.

En Steingrímur lýgur

um afstöðu og flýgur

Til Brussel að sæka sér málungi matar.

 

Náttmeri Jóhönnu er nýskeð,

nábít ég fæ við það ógeð.

Sé lágreista krata,

leggja sig flata.

Í Evrópu pólitík Ísland er smápeð.

 

Kápan mun saumuð úr klæði

Krata af efnahagssvæði.

Sé Fylkingar dóna

sjálfum að þjóna.

Hvað kemur þeim við þó að þjóðinni blæði?

 

Ef að hann Ingólfur gæti

Undir sig brigði hann fæti.

Noregur freistar

sem notaðir leistar

Allt er það betra en Evrópu blæti.

Þetta eru lofsamleg vinnubrögð

Undanfarnar VIKUR hafa staðið yfir viðræður við skilanefndirnar að þær eignist Íslandsbanka og Nýja Kaupþing. Við skulum náttúrulega ekki láta okkur detta í hug að þessar skilanefndir sem eru búnar að vera að gera þessa banka upp séu hlutdrægar í svona smámáli. Vitanlega er ekki nokkur möguleiki að skilanefndirnar geti hagrætt upplýsingum um stöðu bankanna til að verðmiðinn verði hagstæðari. Það dettur engum manni í hug.

Leifum þeim að dunda sér í þrotabúinu með óbundnar hendur meðan verið er að semja við þær. Sjáum svo hvaða verðmiði verður á þessum kaupum. Ég ætla ekki að væna þetta góða fólk um nokkurn skapaðan hlut. Stundum undanfarið hefur bara verið kallað eftir meiri aðskilnaði í verkefnum en þetta ber með sér. Er kannski ráð að spyrja Joly um hvort þessi vinnubrögð standast hennar kröfur?

Við skilum svo alls ekki gera neitt veður út af því að bankarnir séu ekki auglýstir og fleirum gefinn kostur á að kaupa. Það gæti haft í för með sér alls kyns tilboð sem væri erfitt að hafna og skilanefndirnar gætu misst af þessu. Usss, það væri undarlega að verki staðið.

Skilanefndir eignast tvo banka

Með heppni getum við greitt þessa áþján

Niðurstaða Seðlabankans er athyglisverð og óhugnanleg. SÍ segir að við getum staðið undir ICESAVE skuldbindingum ef að 10% afgangur af utanríkisviðskiptum okkar verður næstu 10 árin. Er það líklegt? Hefur það nokkurn tíma gerst?

Restin af skýrslunni gengur út á að samningurinn sé arfavitlaus. Sérhver galli sem menn hafa bent á út um allt þjóðfélagið er staðfestur af SÍ á afar varfærinn máta. Orðalag eins og "Hefði verið æskilegra ...", "Seðlabankinn telur æskilegt að ákvæði um..." , og "Afsal á ríkisins varðandi lögsögu og fullnustu er víðtækara en hefðbundið er..." Fleira er tínt til. Þetta er skelfileg lesning.

Alþingi verður að fella þennan samning strax og fá hæfan mann til að leiða nýja samninganefnd. Sá einstaklingur skal ekki vera afdankaður, sjálfumglaður pólitíkus sem er svo himinhrópandi hæfileikalaus að þrátt fyrir tilraunir hefur honum ekki tekist að ljúka námsgráðu.

Í guðs bænum lesið samninginn

Ég leyfi mér að setja hérna link á annan ICESAVE samninginn eins og hann er á island.is. Það tekur ekki langan tíma að lesa þó sumar málsgreinar þurfi að marg-lesa til að skilja þær. Stundum þurfti ég að marg-lesa vegna þess að ég trúði því ekki að ég væri að lesa samning sem Svavar Gestsson gerði fyrir mína hönd. Ég held að ég yrði fangelsaður fyrir tilraun til að koma svona samningi á íslenskan almenning.

Þar eru tvö eintök á íslensku, annað vegna breta og hitt vegna hollendinga. Þeir eru sambærilegir og lykilatriðin jafn slæm í báðum.

http://www.island.is/media/frettir/icesave_samningur_milli_islendinga%20og%20breta.pdf

Þetta er alveg hárrétt hjá Össuri

Lögfræðiálitið ætti ekki að breyta neinu. Þessum samningi ætti að henda út í hafsauga burtséð frá hvar ábyrgðir liggja. Fyrir þessari niðurstöðu minni liggja fjölmörg rök sem hafa víða verið tínd til er varða efnisatriði samningsins sbr. greinar 16.1, 16.2, 17.1 og 17.2. Þeim rökum til viðbótar eru atriði í samningnum sem mér finnst ótrúleg. Meðal þeirra er málsgrein 7.1

Sum ákvæði þessa "samnings" eru með þvílíkum endemum að ég skil ekki hvers vegna við vorum að leggja út í kostnað við að senda Svavar Gestsson og fylgdarlið út um lönd. Af hverju báðum við Hollendinga og Breta ekki bara að faxa okkur þetta plagg til samþykktar án frekari kostnaðar. Það er ekki orð í þessu riti sem ver hagsmuni Íslands. Þetta er ekki samningur í neinum skilningi þess orðs. Samningur er plagg sem allir aðilar hans geta sætt sig við. Þetta plagg er algerlega einhliða í alla staði.

Það er sama hvar drepið er niður í þessu riti, hvergi er stafkrókur um einhver réttindi  eða mögulegar leiðréttingar á kjörum til hagsbóta fyrir Ísland.

Lánveitendur (Bretar, Hollendingar) njóta fulls og óskorðaðs forgangs, alltaf og í öllu. Fái Tryggingasjóður innistæðueigenda eitthvað fyrir eignir Landsbankans gengur það beint í fyrsta forgangi í að greiða lánið.

Ísland fellur frá öllum réttindum hverju nafni sem þau nefnast sem landið kann að hafa annars ef þau stangast á við réttindi lánveitenda.

Málsgrein 7.1 er á þá leið að ekki einungis föllum við frá öllum okkar réttindum eins og þau eru núna heldur skuldbindum við okkur til að breyta mögulega lánskjörum þessa samnings til hins verra. Þ.e., ef við fáum fyrirgreiðslu frá öðrum aðilum sem við greiðum þeim lánendum á einhvern hátt hagstæðara fyrir en þessi samningur kveður á um skal Breski og Hollenski lánveitandinn njóta sömu kjara. Með öðrum orðum, við göngumst inná að gera kjör þessa samnings verri ef við verðum svo lánlaus að senda enn verri sveit samningamanna í fjármögnunarleiðangur en sveitin sem Svavar leiddi var.

Þessi samningskjör ein sem sagt einkvæmt versnandi.

Hvernig nokkrum manni getur dottið í hug að skrifa undir þetta plagg er óskiljanlegt.

„Lögfræðiálitið breytir engu"

Nú bregður svo við að ég gleðst

Ég hef haft þess kost að skipta ekki við Langflug. Nú þarf ég ekki lengur að passa uppá það.

Ég get komist hjá því að fara með bílinn minn í skoðun til Finns í Frumherja en það er versti andskotinn að ég get ekki komist hjá því að senda honum peninga mánaðarlega fyrir leigu á rafmagnsmælinum heima hjá mér.

Ég greiddi glaður tvöfalda mælaleigu ef það væri tryggt að hún færi ekki í vasa Finns Ingólfssonar. Ég sé eftir þeim peningum sem þangað renna.

Að svo mæltu stend ég upp og fer á skoðunarstöð Aðalskoðunar með bílinn minn.

Langflug gjaldþrota

Gera ALLT rangt

Sérstök geta þessarar aumu ríkisstjórnar til að taka einungis rangar ákvarðanir er himinhrópandi.

Benjamín Eiríksson benti á það á sínum tíma að það væri einkum tvennt sem menn hefðu lært eftir kreppuna miklu.

1. Menn ættu alls ekki að lækka laun.
2. Það skal ekki hækka skatta.

Hvers vegna? Báðar þessar aðgerðir hafa það sem fyrstu afleiðingu að peningar í umferð minnka, þvert á það sem æskilegt er. Hvað gerði Ríkisstjórnin? Hún byrjaði á að lækka laun, svo hækkaði hún skatta og núna ætlar hún að lækka laun enn frekar. Setja Ríkislaunaþak við það sem Jóhanna Sigurðardóttir hefur. Er einhver glóra í þessu? Þetta mun að sjálfsögðu í fyrsta lagi ekki virka eins og Jóhanna vonar og í öðru lagi mun þetta hafa Dómínó áhrif út úr Ríkisgeiranum. Þjóðin mun svelta fyrr og meira. Ég segi að þetta muni ekki virka vegna þess að um leið og laun eru orðin of lág mun það fólk sem til stendur að lækka laun hjá einfaldlega senda reikninga fyrir vinnu sinni. Þeir greiddu reikningar verða að sjálfsögðu ekki laun.

Hvað kemur næst? Það er komið í ljós hvað kemur næst.

1. Tryggingagjald.
2. Samdráttur í opinberum framkvæmdum.

Enn setur mig hljóðan í forundran. Þau fyrirtæki sem enn hökta skulu nú slegin af með auknum álögum og þau sem hugsanlega ná að tóra og krafsa sig fram úr því skulu kæfð með verkefnaleysi. Er einhver glóra í þessu heldur.

Hversu algerlega er hægt að svipta sig almennri skynsemi?

Enn er sokkið dýpra. Algerlega óásættanlegur samningur er gerður við Hollendinga og Breta undir forustu Svavars Gestssonar sem er harla ánægður með afraksturinn. Í fyrsta lagi er mér ógerningur að átta mig á hvað sá maður hefur til brunns að bera til að vera látinn leiða þetta ofboðslega mikilvæga samningaverkefni og í öðru lagi er það enn erfiðara að átta sig á hvernig þessari ríkisstjórn dettur í hug að bera þetta á borð fyrir þjóðina eins og hugsanlega lausn.

Megi þessir þverhausar sem nú standa í vegi fyrir endurreisn Íslensku þjóðarinnar hverfa úr Ríkisstjórn í hvelli.

Halda áfram viðræðum í kvöld