Þetta þarf að stoppa - hvernig?

Burtséð frá hvaða pólitískar skoðanir liggja að baki þessu er ljóst að svona kjánaskap þarf að stöðva.

Hvers lags vanþroski orsakar svona hegðun. Þetta fólk getur ekki talið að þessi framkoma sé uppbyggileg eða geri gagn. Þessir krakkar geta andskotakornið ekki haldið að það að ráðast inn í Alþingishúsið með fíflalátum hafi þau áhrif að þing verði rofið og boðað verði til kosninga.

Upphrópin gáfu reyndar ekki til kynna að óskað væri eftir kosningum og því enn minni líkur á að þessi aðgerð geri eitthvert gagn. Ég ætla ekki að gera óþarflega lítið úr þessum atburði með því að kalla þetta skólakrakka en fréttir kölluðu þau ungmenni og það er mér vísbending um aldur og líklega stöðu þeirra sem þarna voru á ferð.

Það fer um mig ónotahrollur við tilhugsunina um að þetta sé það fólk sem á að taka við. Er þetta afleiðing af e-notkun? Hvaðan kemur þeim sú firra að halda að handfylli af gargandi króum geti haft eða eigi að hafa áhrif á framgang mála á þingi eða í þjóðfélaginu? Það liggur í augum uppi að við svona fólk verður ekki talað af skynsemi. 

Hvað er til ráða? Ég hef ekki svörin en veit það eitt að ofbeldi og uppþot leysa nákvæmlega ekkert. Ég bið fólk að taka eftir óskum þessa fólks. Bylting! Strax! Þetta eru ekki mín orð, takið eftir því. Ég á reyndar bágt með að trúa því að þetta fólk skilji hað það er að fara fram á og enn síður hvaða afleiðingar það myndi hafa ef þeim yrði af ósk sinni. Ég trúi því í bjartsýni að hér sé á ferðinni bara svona venjuleg múgæsing sem loftið rýkur úr um leið og fólk áttar sig.

Þingfundur hafinn á ný

Athugasemdir

[haraldurhar, 8.12.2008 kl. 17:56]

   Með lögum skal land byggja, en ólögum eyða.  Það er vandséð hjá mér hvað við höfum að gera með löggjafarsamkvundu, er setur hver ólögin á fætur öðru að næturþeli.  Gæti bara ekki hugsat að þetta unga fólk eigi meirí rétt á setu þar en núverani þingmenn.

[Johann Trast Palmason, 8.12.2008 kl. 18:05]

hvað er ungt við fertuga menn ?

og hvað eruð þið sem gagnrýnið að gera annað en að kjafta fólk niður?

[Ingólfur Arnarson (IP-tala skráð) 8.12.2008 kl. 18:22]

Er þín framkoma uppbyggileg sem og gagnleg?

[Hólmfríður Gestsdóttir (IP-tala skráð) 9.12.2008 kl. 22:29]

Verð að taka undir orð sem ég las á öðru bloggi í kvöld um þessa frétt. Þ.e. að þessi uppákoma séu eðlileg viðbrögð við óeðlilegu ástandi. Ég er ekkert sérstaklega að mæla með ofbeldi, en það er alveg ljóst að við erum með gersamlega óhæf stjórnvöld sem taka nákvæmlega EKKERT tillit til friðsamlegra mótmæla - meina það eru 90% þjóðarinnar sem vill losna við DO og ríkisstjórnin er einhver sú óvinsælasta í sögunni ef ekki sú óvinsælasta. Við hverju býst fólk? Auðvitað verður niðurstaðan að sumir gefast upp og aðrir fara út í ófriðleg mótmæli. Ég held reyndar að það sem verður að gerast er að fólk fari út í meira af því tagi sem gerðist í Seðló um daginn. Þ.e. að fólk taki sér stöðu þar sem hreinsa þarf til með reglulegu millibili þar til þetta kemst til skila. Það er aðeins of auðvelt að ignora laugardagsfundina, málið er að koma hlutum þannig fyrir að þetta lið komist ekki hjá því að sjá óánægjuna með eigin augum.