Blástur

10.8.2009 | 12:02

Þöngulhausar

Þessi vesæli krakkaskríll sem til samans myndar Saving Iceland skrípagengið telur sig vera að vinna þjóðinni eða landinu gagn með þessu. Því er öfugt farið.

Þegar fólk hegðar sér með þessum hætti getur friðelskandi heiðvirt fólk ekki tekið sér stöðu með þeim né þeirra málstað. Ég er stundum sammála sumu af því sem þau hafa fram að færa en það er ekki nokkur von til að ég muni ljá þeirra baráttu lið á nokkur hátt þegar þau gera svona vitleysu. Þvert á móti.

	Málningu slett á hús Hjörleifs
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Hvernig veistu að þetta er Saving Iceland að verki ? Ert þú í Saving Iceland ? Býrð þú yfir einhverjum nánari upplýsingum um þessi skemmdarverk sem lögreglunni væri akkur að ?

Án þess að verja málstað nokkurs manns/hóps þá hata ég virkilega ósannanlegar fullyrðingar út í loftið eins og ,,Bannsettir unglingar...'' ,,Bölvaða 101 Reykjavík listaspírupakk...'' ,,Fjandans framsóknarflokkurinn...'' o.s.frv.

Komdu með sannanirnar fyrst og galaðu svo um hvað þér finnst um aðra.

B Ewing, 10.8.2009 kl. 12:15

Þegar sjónarvottar segja hluti eins og "krakkarnir hlupu af stað..." þarf ég ekki frekari sannana við um aldur.

Í ljósi þess hvaða staðir verða fyrir þessum skríl efast ég ekkert um hvaða pakk er þarna á ferð.

Þess utan hyggst ég ekki reyna að færa á þetta frekari sönnur.

Ólafur Tryggvason Þorsteinsson, 10.8.2009 kl. 12:22

Hjartanlega samála Ólafi!

Sérlegur saksóknari B Ewing, það eru menn eins og þú sem hafa verið að verja málstað Baugs og þeirra líka fram að þessu (hruninu). Það fer ekkert á milli mála hverjir eru að verki í þessu máli (fáir "baráttuhópar" jafn illagefnir).

Aumingjar á skemma eignir! og láta þjóðina borga þrif eða hvað?

Séra Jón (IP-tala skráð) 10.8.2009 kl. 12:46

En einn sem vill láta skíta ganga yfir sig endalaust....

Kristvin Guðmundsson (IP-tala skráð) 10.8.2009 kl. 13:06

Já um að gera ,líka að kenna krökkum um....
Vá hvað fólk er lokað í höfðinu...

Kristvin Guðmundsson, 10.8.2009 kl. 13:15

Já hann var nú meiri krakkaskríllinn þessi sköllótti í frakkanum sem sást til skvetta á hús Hreiðars Más útrásarvíkings og þjóðníðings fyrir rúmri viku!!!

Þór Jóhannesson, 10.8.2009 kl. 13:30

Takk fyrir gott dæmi Þór. Annað hér er ekki svaravert.

B Ewing, 10.8.2009 kl. 13:34

Það er vissulega ljóst að Saving Iceland er ekki eingöngu krakkar en þau sem komið hafa fram fyrir þeirra hönd eru flest í yngri kanntinum. Þeirra á meðal er ábyggilega líka eldra fólk. Skalli segir samt ekkert til um aldur.

Aldurinn er í sjálfu sér ekki aðalatriðið, það er verknaðurinn og aðferðirnar. Skemmdaverk hugnast mér illa. Ég aðhyllist ekki þankaganginn á bakvið máltækið "svo má böl bæta að benda á annað verra" og því finnst mér athæfi Hreiðars Más og þeirra annarra sem þetta beinist gegn ekki tækt sem afsökun á svona frumstæðu hellisbúa atferli. Mér finnst mikilvægt að geta trúað því að samlandar mínir séu siðmenntuð þjóð sem getur haldið reisn sinni án þess að grípa til eyðileggingar í hefndarskyni.

Ég ætla ekki að fullyrða að þarna séu eingöngu Saving Iceland félagar á ferð. Miðað við sum "skotmörkin" má ætla að þarna séu fleiri hópar að verki. Þeirra reisn er engu meiri. Jafn illa er mér við aðfarirnar hvaða hópur sem á hlut að máli.

Kristvin, ég vil "...ekki láta skíta ganga yfir..." mig endalaust. Mér er bara ekki sama hvernig staðið er að því ná til þessa fólks sem fór svona með okkur. Mín gremja í þeirra garð er engu minni en þín, ég stend öðru vísi að því að láta hana í ljós.

Meðal þess sem mér finnst verst við svona aðfarir er sá skaði sem þær vinna þeim málstað sem þeim er ætlað að styðja. Að sletta málningu út og suður vekur meiri gremju og andstöðu við málstaðinn og fólkið en samúð.

Ólafur Tryggvason Þorsteinsson, 10.8.2009 kl. 14:40