Mikið er þetta nú allt bara gott og fallegt

Það er svo gott að vera að kafna í demöntum og snobba svo niður til fólksins með því að skreyta sig með vesælli lopapeysu.

Mér hlýnar um hjartaræturnar þegar ég les að þessi kona notar aldrei demanta nema þegar hún verður að gera það. Hvílík blessum fyrir þjóðina að hafa lent þessari multi-millu og að vinur alþýðunnar, allaballinn og komminn í forsetastólnum skuli ekki þurfa að kvíða ellinni og ævikvöldinu.

Ó þá náð að eiga Dorrit. Hún er heldur ekki lítið heppin að "enginn bað hann um að segja af sér." Forsetinn dygðumprýddi hefði þá kannski þurft að neita ábyrgð, neita að hafa tekið þátt í öllu saman og svo kannski endað með að þurfa að nota eftirlaunanna sem bíða hans eða bara að teygja krumlurnar í digra sjóði gulls og gimsteina sem hann giftist. 

Endilega lesið greinina. Lesið um konu fólksins sem ferðast á almennu farrými og fer í neðanjarðarlestina alveg sjálf.

 http://www.timesonline.co.uk/tol/news/world/europe/article5626672.ece

Dorrit: Ísland verði svalari útgáfa af Dubai

Athugasemdir

[Linda, 2.2.2009 kl. 13:03]

Þessi kona er hreint frábær og með hjartað á réttum stað, ekki er hægt að segja það sama um íslensku loddarana sem baða sig nú í peningum landans. 

Fá rasistar greiðan aðgang að þínu bloggi....

kv.

[Nýi Jón Jónsson ehf, 2.2.2009 kl. 14:42]

Það vildi ég óska að fleiri Íslendingar myndu hugsa eins og hún Dorrit. Hún ber ekkert nema hlýhug til landsins og er því mikil fyrirmynd, MIKLU meiri fyrirmynd en þessir þjófar sem rændu Íslandi um hábjartan dag og létu sig hverfa og skildu okkur eftir til að borga fyrir þá skuldirnar og skilaboð til snus, þú ert það sem þú hugsar ...

[Anna (IP-tala skráð) 2.2.2009 kl. 15:22]

Hvernig getur hún verið með þessum ljóta karli honum Ólafi.

[Nýi Jón Jónsson ehf, 2.2.2009 kl. 15:27]

Skapar fegurðin hamingjuna Anna ?

[Nýi Jón Jónsson ehf, 2.2.2009 kl. 15:28]

Ef svo er í þínu tilfelli, mikið svakalega ertu grunnhyggin.

[Ólafur Tryggvason Þorsteinsson, 2.2.2009 kl. 16:49]

Linda, snus talar fyrir sig og ég ætla ekki að ritskoða þær athugasemdir sem settar eru hér. Fólk þarf að meta hvaða skilaboð eru viðeigandi án inngrips frá mér.

Hvað sem fólki finnst um Dorrit minnir þetta mig óþægilega á "let them eat cake"

[Anna Guðný , 2.2.2009 kl. 18:58]

Frábærar hugmyndir , verður gaman að fylgjast með.

[Sigurður Ingi Jónsson, 4.2.2009 kl. 12:53]

Mér kemur ekkert annað í hug eftir lestur pistilsins en tiltekið kennileiti úr heimahögum DM, grátmúrinn...