Ég skal velja gengi

Þetta mál er afar sérstakt. Kjalar gerir framvirka gjaldeyrissamninga til að verja sig gengissveiflum, eins og það er orðað. Með öðrum orðum Kjalar veðjar á veikingu krónunnar og á mikið í húfi að krónan veikist svo hægt sé að hagnast á gengismuninum sem myndast milli krónunnar og þess gengis sem framvirki samningurinn er gerður á. Þetta hefur verið kallað að taka sér stöðu gegn krónunni. Því fleiri sem gera þetta því fleiri hagnast á því að krónan fer í rusl. Því fleiri sem hagnast á því, þeim mun meiri líkur eru á að krónan gefi eftir. Það hefur núna gerst og nú bregður svo við að þetta kokhrausta lið sem stendur á bak við hrunið að stóru leiti ætlar sér að velja hvaða gengi á að nota við að reikna útistandandi kröfu. Ég er ekki orðlaus. Ég á mörg orð til að fjalla um þessa afstöðu. Fæst þeirra eru hæf til birtingar og ég læt bara öðrum eftir að túlka þetta &/"$%&#%&"$%"$%&/!!!

Sko. Samningurinn hljóðaði upp á 650M Evrur snemma á síðasta ári sem átti að endurgreiðast um miðjan október á sama gengi. Um miðjan október hafði gengið hins vegar hrunið hressilega og þá vill Kjalar að bara eitthvert annað gengi sé notað. Kalla menn þetta samninga eða botnlausa frekju? 

Krafa Kjalars 190 milljörðar króna

Athugasemdir

[kristinn (IP-tala skráð) 8.1.2009 kl. 09:32]

Kjalar er ekki að fá endurgreiðslu á einu né neinu. Þeir eru að krefjast þess að fá gjaldeyrislán upp á 650M Evrur á genginu c.a. 300. Svo ætla þeir að borga til baka samdægurs á gengi dagsins í dag eða þegar það styrkist enn frekar og græða mismuninn. 

He/%&/* Fo/&% Fo#$%&

[Blahh (IP-tala skráð) 8.1.2009 kl. 09:37]

Hæpið að þetta standi, þegar samningurinn er gerður er miðað við eitthvað kross gengi krónu/evru.  Ég skal best trúa því að þetta krossgengi sé skráð gengi SÍ. Hafi ekki verið tekið fram í samningnum hvaða krossgengi á að miða við er einungis hægt að segja að þetta  hafi verið virkilega léleg bankamennska.

[Ólafur Tryggvason Þorsteinsson, 8.1.2009 kl. 09:58]

Kristinn. Ef visir.is greinir rétt frá er þetta endurgreiðsla á láni frá því snemma á síðasta ári. Ennfremur, ef rétt er frá sagt var ákveðið gengi endurgreiðslu og má þá einu gilda hvað kostar kýr í Kína. Þetta las ég hér: http://www.visir.is/article/20090108/VIDSKIPTI08/557545582/-1

Má vera að ég misskilji þetta eitthvað en ég tek undir orð þín "He/%&/* Fo/&% Fo#$%&" Vel mælt.