Er þetta friðsamlegt?

Fólk kallar á réttlæti og að á það verði hlustað. Halda menn virkilega að þetta sé líklegt til árangurs? Gefum okkur það að Davíð drattist sína leið, hvað svo? Lagast þá ástandið og fellur þá bara allt í ljúfa löð. Verður ástandið bara gott ef að er hægt að víkja Davíð? Er það svo að þetta ástand sé einum manni að kenna? Er það trúverðugt? Eða ætlar fólk að ganga á röðina. Árás á alþingi næst. Skrifstofa forsetans hlýtur þá að fá athygli sökum fylgispektar Ólafs við Jón Ásgeir. Vilja menn draga mörkin einhvers staðar og vera sammála um að þar séu mörkin?

Æsingar í þessa veru geta ekki leitt af sér nokkurn skapaðan hlut nema skaða.

Nú er svo komið að ein vanvita, ráðvillt kvensnift heldur að hún sé rót alls þess sem gerst hefur á landinu síðasta árið. Það segir sína sögu um andlegt atgerfi fólks að það skuli hópast í kring um þennan vesaling og púkka upp á fáviskuna með því að ráðast inn í Seðlabankann og kalla það friðsamleg mótmæli. Hún fullyrðir að hún sé búin að galdra landið í það ástand sem nú er skollið á. Er nema von að um mann fari við þessa fávisku. Ég vorkenni henni sjálfri en er hissa á hinum. Telja menn sig hafa fundið leiðtoga við hæfi? Nú er mál að hrökkva upp og hrista af sér þessa heimsku.

 

Réðust inn í Seðlabankann

Athugasemdir

[Neisti (IP-tala skráð) 1.12.2008 kl. 17:52]

Finnst þér eitthvað óvíst hverir bera ábyrgð á því að fjármagnsfíklarnir léku lausum hala ?

Stjórnskipan ríkisins er sú að fimm aðilar eiga að huga að þessum málaflokkum. Sjá um að umhverfið sé gott, stjórna og fylgjast með þessum málafokkum.

Efnahagsráðherra (forsætisráðherra), viðskiptaráðherra, fjármálaráðherra, seðlabanki og fjármálaeftirlit.   Þetta eru þeir sem bera ábyrgðina, þetta eru þeir sem stóðu sig ekki.   Í viðbót við þennan formlega hóp hefur komið í ljós að utanríkisráðherra þessarar ríkisstjórnar var að véla um þessi mál að hluta en hélt viðskiptaráðherra fávísum.

 Þessir aðilar bera ábyrgðina, annað hvort vegna þess sem þeir gerðu eða vegna þess sem þeir gerðu ekki. Þeir vita það sjálfir og það er þungur kross að bera. Vegna þessarar fortíðar eru þeir verri en nokkrir aðrir menn til að vera við stýrið núna.

[Guðjón Heiðar Valgarðsson, 3.12.2008 kl. 14:13]

í stuttu máli, já og þú ert smábarn að halda öðru fram.

[Arnar (IP-tala skráð) 7.12.2008 kl. 17:01]

Ég sé hvað þú átt við Ólafur en ég er ósammála. Það breytir miklu að losna við Davíð, þó ef að væri ekki nema til að gefa fólkinu í landinu von um betri tíð því hann er orðinn verri en versti mygluostur í embætti. Ásamt öðrum.

Guðjón: Mér finnst skilaboðin þín vera smá-barnaleg. Höldum svona viðhorfi fyrir okkur sjálf og reynum að vera málefnaleg. Takk.