Sjónhverfingar

Núna er málið klappað og klárt. Ríkisstjórnin segir að nú sé þetta komið. Skjaldborgin risin og nú sé búið að leggja fram spilin í aðgerðum til bjargar heimilunum. Mörg-þúsund heimili á Íslandi varpa öndinni léttara við þessar góðu fréttir. Nú sér fyrir endann á þeim erfiðleikum sem þau stefndu í. Við nánari skoðun kemur annað á daginn. Allt annað.

Hvað er hryggjarstykkið í ný-boðuðum aðgerðum? Í öllum tilvikum skulu eignir, sem allar hafa hríðfallið í verði, metnar og skuldajafnað á móti lánum sem hafa aukist stórkostlega. Mismunurinn er settur í gegnum hókus-pókus mat og felldur niður, mis-mikið þó.

Hvað verður svo um þennan mismun sem felldur verður niður? Hverjum hefði dottið það í hug að Ríkið hygðist bara taka hann til sín? Stór hluti af þeim peningum sem var í umferð í þjóðfélaginu á síðasta ári var séreignarsparnaður sem þjóðin fékk að taka út til að fleyta sér áfram í þeirri von að brátt kæmumst við fyrir vind með uppbyggjandi aðgerðum Ríkisstjórnarinnar. Viti menn. Ríkið skattlagði þessa peninga líka.

Hvað er málið í hnotskurn. Skuldirnar á að fella niður eftir nánast geðþótta-aðferðum, en þó þannig að í stað þess að kröfuhafar fái greiðslur af ofurlánunum ætlar Ríkið að yfirtaka þau með afföllum rétt eins og það gerði með sparnaðinn sem fólk tekur út um þessar mundir. Ríkið er sem sagt eingöngu í tekjuöflun.

Enn glittir ekki í aðgerðir af hálfu Ríkisins til að bjarga heimilunum frá því að lenda í krísu. Þessi nýi pakki miðast við það að milda lendingu þeirra sem þegar hafa fallið. Þó það sé að mínu viti jákvætt vantar ennþá ráð til að forða heimilunum frá því að missa eigur sínar þar sem það er enn hægt.

Það er gegnumgangandi þessi rauði þráður að eignir skulu teknar af fólki en ekkert gert til að aðstoða fólk til að halda þeim! Svei!

Afskriftir verða skattlagðar

Athugasemdir

[Hvumpinn, 19.3.2010 kl. 09:11]

Ekki láta svona, VG er á fullu í björgunaraðgerðum.  Þeir eru bara ekki að bjarga almenningi.  Almenningur er tekjulind og skal skattpíndur til dauða.  Aðstoðarmaður Steingríms lærði nú ekki fræðin í Austur-Þýskalandi til neins ásamt félaga Svavari.

[Hannes Hannesson (IP-tala skráð) 19.3.2010 kl. 10:32]

Alveg rólegur í veruleikafyrringunni!

  Þú ættir nú að vita það að þjóðaríþrótt Íslendinga er að stunda kennitöluflakk. 

  Búddu nú við séreignarsparnaðurinn!! Jú, hann var skattlagður, vegna þess að þetta voru tekjur. Þær eru skattlagaðar. Wake up and smell the coffee!!!

  Bjarga heimilunum. Bíddu nú við karlinn!! Ef þú vilt hókus pókus þá ferðu í sirkus

  Þú segir í einu orðinu, að þetta séu geðþóttaákvarðanir varðandi niðurfellingu skulda, síða að það sé ekki hægt að bjarga heimilinum. 

   HVORT VILTU "GEÐÞÓTTAÁKVARÐANIR" EÐA ALMENNAR AÐGERÐIR. 

   Vakna!!!!!

[Ólafur Tryggvason Þorsteinsson, 19.3.2010 kl. 12:34]

Hannes, þú kallar það því sem þú vilt. Fáránleikinn felst í því að fella niður skuldir við fjármálastofnanir og leggja svo skatt á niðurfellinguna. Þetta er ekki neitt annað en að Ríkið er að yfirtaka kröfurnar með afföllum og ætlar að gera sér tekjulind úr.

Til að svara spurningunni þá er ég alfarið fylgjandi því að beitt sé almennum aðgerðum. Það sem kynnt var í gær er sko allt annað en það og miðast eingöngu við að milda brotlendingu þeirra sem eru hrapaðir en ekki að því að fækka þeim sem hrapa.

[Hannes Hannesson (IP-tala skráð) 19.3.2010 kl. 12:50]

Ég held að þú ættir frekar að líta á jákvæðu þættina í þessu.

   Málið er það Ólafur að með því að fella niður skuldir, þá er ekki þar með sagt að engin blæði fyrir það. Það er einfaldlega þannig að það eru X margir peningar til í þessu þjóðfélagi í alls konar formi, og með því að niðurfella skuldir eins, er einfaldlega verið að auka skuldir hins. 

  Hér er líklega í fyrsta skipti í sögunni verið að taka á sukkinu sem felst í niðurfellingu skulda, eitthvað sem fólk hefur virkilega verið að kalla eftir. Ég held að menn ættu frekar að fagna en hitt. 

  Síðan skv. fréttinni verður niðurfelling hjá þeim sem eru í kröggum ekki skattlögð. Það má reyndar setja spurningarmerki við það, þar sem sumt fólk gerir út á það að mála sig fjárhagslega veikarar en það er, en einhver staðar verður að draga línuna. 

  Nei, þessi aðgerð er akkúrat til að fækka þeim sem hrapa. Ríkið(reyndar eru aðstæður mjög flóknar núna-mætti kalla þetta björgunarsveit) þarf að hjálpa þeim sem eru við það að falla, akkúrat svona aðgerðir gera þeim það kleift. 

   Fólk áttar sig ekki á því að ríkið er á hausnum!!!! vegna óstjórnar margra aðila, það er hinn blákaldi raunveruleiki. 

[Kristinn (IP-tala skráð) 19.3.2010 kl. 18:13]

Það er aðeins ein leið sem virkar.  Það þarf að færa höfuðstól allra lána til þess sem hann var 1.janúar 2008. Það er hin eina raunverulega "skjaldborg"

[Hannes (IP-tala skráð) 19.3.2010 kl. 21:59]

Kristinn,

   Já góð hugmynd, en hver á að borga það????

   Jafnvel þó að þetta myndi vera gert þá væru fullt af fólki enn í vanda. Hvernig ætti að bjarga þeim?

   Enn, ef þetta yrði gert yrði síðan töluvert verðlækkun að nafnverði á húsnæði, og ég er ekki viss um að hinir gráðugu Íslendingar hugnis sú hugmynd. Því eins og við vitum, þá finnst húsnæðiseigendum bara gaman þegar húsnæðið þeirra hækkar um 120% á 2 árum, en voða leiðinlegt þegar húsnæðisverðið lækkar í gegnum verðbætur.  Þroskist þið, allavega komið með hugmyndir sem eru raunhæfar, ekki eitthvað blaður út í loftið, sem gagnast engum. Síst af öllu fólki sem er í fjárhagsvandræðum!!!